Milton Sperlinq

Milton Sperlinq
ing. Milton Sperling
Doğum tarixi	6 iyul 1912
Doğum yeri	Nyu-York, Nyu-York ştatı, ABŞ
Vəfat tarixi	26 avqust 1988 (76 yaşında)
Vəfat yeri	Los-Anceles, Los-Anceles dairəsi, Kaliforniya, ABŞ
Vəfat səbəbi	xərçəng xəstəliyi
Vətəndaşlığı	ABŞ
Fəaliyyəti	ssenarist, film prodüseri, prodüser
IMDb	ID0818328

Milton Sperlinq (ing. Milton Sperling) — Amerika kino prodüseri.

Həyatı

Milton Sperlinq Nyu-York şəhər kollecini bitirdikdən sonra kino sahəsinə üz tutur və Paramountda klerk kimi çalışmağa başlayır. 1931-ci ildə məşhur Warner Bros. kino şirkətində Deril F. Zanuk və Hel Uallisin yanında katib işləyir. Bir qədər sonra Sperlinq, Edvard Smollun yanında assistent kimi müstəqil filmlərdə çalışır.

Zanuk 20th Century Fox-da Milton Sperlinqi işə götürür. 20th Century Fox-da olan səmərəli fəaliyyəti zamanı Milton 1936-cı ildə Harri Uornerin (ing. Harry Warner) qızı Betti Uornerlə tanış olur. Onlar 1939-cu ildə ailə həyatı qururlar.

1941-ci ildə rejissor Brüs Hamberstoun Milton Sperlinqin prodüserliyi ilə "Günəşli vadinin serenadası" filmini çəkir.

Müharibədən qayıtdıqdan sonra Zanuk M. Sperlinqə öz köhnə işinə qayıtmağı təklif edir. Lakin Miltonun qayınatası Harri Uorner ailənin bir üzvü kimi ona rəqib studiyada işləməyi məsləhət görmür. Milton öz studiyasını yaratmaq qərarına gəlir.

Sperlinq öz kampaniyasını "United States Pictures" adlandırır və burada 14 layihəsini həyata keçirir. Onun ən gözəl işlərindən biri 1955-ci ildə gerçəkləşdirdiyi "Billi Mitçelin hərbi məhkəməsi" filmi olur. Bu film Academy Award-ın Orijinal ssenari, əhvalat və ekran həllinə görə mükafatını qazanır.

Son filmlərdən biri – United States Pictures-də çəkilən "Qabarlılıq döyüşü" oldu. Bu film 1965-ci ildə İspaniyada reallaşdı. Böyük prodüser Milton Sperlinq 1988-ci ilin avqustunda xərçəng xəstəliyindən vəfat etmişdir.

Filmoqrafiya

1. Günəşli vadinin serenadası (film, 1941) / Sun Valley Serenade